nl 
es 
en Baimentu definitivo
Baimentu definitivo
Bo ta bai bandoná Kòrsou definitivamente?
E ora ei, bo mester tene kuenta ku lo siguiente.
Siudadano hulandes
Komo siudadano hulandes, bo no tin mester di hasi e prosedura pa baimentu definitivo.
Sí bo ta obligá na:
- Paga butnan habrí serka Fiskal i tambe
- Paga deklarashonnan di Impuesto habrí i sòru pa pago di esaki serka Servisio di Impuesto i
- Deregistrá na Asuntunan Públiko (lokashon Kranshi)
Otro nashonalidat
Komo stranhero, bo mester kumpli ku e prosedura di baimentu definitivo promé ku bo bai for di Kòrsou.
Pa kuminsá ku e proseso, bo mester paga un montante di XCG 145,= na tarifa- i retribushonnan0.
Despues ku e pago tuma lugá, bo mester traha un sita.
Bo mester bin ku bo pasport i komprobante di pago tarifa- i retribushonnan pa por risibí e formulario di stèmpel.
Ku e formulario di stèmpel, bo mester bai na e siguiente instansianan e ora ei:
- Parkèt di Fiskal
- Servisio di Impuesto
- Asuntunan Públiko (lokashon Kranshi)
Despues ku bo a risibí bo prueba di deregistrashon serka Asuntunan Públiko, bo mester traha un di dos sita.
Pa bo di dos sita, bo mester bin ku lo siguiente:
- Pasport
- Formulario di stèmpel
- Prueba di deregistrashon di Asuntunan Públiko
- Pasashi
- Otro dokumentonan ku bo a risibí serka otro instansianan gubernamental
- Si ta aplikabel, komprobante original di pago suma di garantia
E ora ei lo bo risibí e último stèmpel di nos i si a paga un suma di garantia, un voucher tambe.
Ku e voucher, e ora ei, bo mester bai Servisio di Impuesto pa haña e suma di garantia bèk. Na Servisio di Impuesto bo por informá tokante e posibilidatnan pa pasa e sèn bèk riba bo kuenta.
Esakinan ta e formularionan nesesario pa bo petishon:
0Ora di paga, mester menshoná e siguiente datonan di e petishonario komo referensia:
- nòmber i fam kompletu
- fecha di nasementu
Download e failnan
Disclaimer
Het Ministerie van Justitie is verantwoordelijk voor publicatie van informatie op deze website. De informatie is met zorgvuldigheid en nauwkeurigheid verzameld. Het Ministerie van Justitie doet haar uiterste best om de informatie zo actueel mogelijk te houden. Aan deze website kunnen echter geen rechten worden ontleend. Deze website wordt door het Ministerie van Justitie beheerd. De informatie op deze website kan gedeeld worden, mits bronvermelding.